Jennifer Piter y Joel Kuiperi ganadornan prome luga di Strongwoman y Strongman Aruba 2017

Oranjestad; den fin di siman tabata tin e competencia di Strongwoman y Strongman na Moomba Beach. Tabata cuatro dia consecutivo di purba forza den diferente workout. E prome dia a cuminsa cu truck pulling (8ton) y Clean and Jerk, unda Jennifer a haci 90 kg. y Joel 160 kg. Di dos dia tabata Stone of strength y Deadlift; Jennifer a haci 160 kg. y Joel 262 kg. Di tres dia Yoke Carry, Jennifer a haci 105 kg. y Joel 175 kg. y tire flipping. Na final di cuatro dia tabata tin truck pulling; Jennifer a hala un van y Joel un truck di 8 ton segui pa yoke carry, Stone of strenght, tire flipping circuito.
E competencia tabata hopi emocionante, un publico grandi tabata compañanan cada participante y dune e animo pa logra caba cu su workouts. Den e participantenan tabata tin mariniers, algun hulandes y un par arubiano purbando mustra nan forza, pero na final dos arubiano a bay cu e maximo premio. Joel Kuiperi a sa di tin e forza y velocidad suficiente pa ganan tur y bay cu e prome premio. Y den hende muhe tabata tin e participashon di un grupo di damanan den mayoria hulandes tambe y e premio a bay pa e unico Arubiano cu a participa, esta Jennifer Piter cu a sorprende nos tur cu su forza y velocidad a logra bay cu e prome premio den Strongwoman.
Esaki ta e sorto di eventonan cu tambe nos ta apoya pasobra ta algo nobo pa Joel Y Jennifer cu nan deporte oficial ta Weightlifting y door di haci e deporte aki cu algun cos di Crossfit a logra desaroya un forza incredible y asina logra e prome premionan como Strongman y Strongwoman 2017 Aruba
Muscles and Lungs Crossfitness su directiva y tur e atletanan ta dunanan un pabien grandi cu e logro aki. Jennifer Piter y Joel Kuiperi cuminsa prepara pa defende nan titulo otro aña. Hopi pabien cu e logro aki.