Parlamentario di fraccion di AVP Jennifer Arends-Reyes, tin diferente decision cu ta tumando luga specialmente na Merca caminda cu sigur e parti di aumento di tarifanan entre otro pa comercio di China y diferente luga por tin su efecto di inflacion ariba producto y consumidor na Aruba.
Tambe mester keda vigila di cerca con e conducta di esnan cu ta biba na Merca ta cambia y si lo cambia y con nan lo anda cu nan placa y unda nan lo gast’e y si nan patronchi di biahe lo cambia. CARICOM (Caribbean Community) ya caba ta papia di un poly-crisis cu tin efecto ariba Caribe y Aruba no ta exclui. Tin e crisis di cambio climatologico cu mester tene halto ariba agenda, e crisis di aumento drastico di costo di bida, specialmente despues di e disrupcion di cadena di suministro durante y despues di e pandemia.
Tambe e crisis di salud mental bou di poblacion. Aparte di tur esakinan tin e situacion migratorio cu ta creciente, urgente y cu Aruba tin cu atende cu ne. Aruba lo mester traha riba diferente plan di contingencia pa diferente area pa asina nos ta prepara pa diferente scenario sra Arends-Reyes ta termina bisando.
