Jefta Marine brindando servicio na tankeronan segun protocol di DVG

615

Jeff Charles, director di Jefta Marine, den fin di siman a haci nan prome trabou pa transporte di un cambio di crew pa tankero, desde cu a habri frontera y cu e prome vuelonan a yega for di Merca. Segun Charles a splica, nan ta sigui tur e protocolnan duna door di DVG pa evita contagio di covid-19. Den fin di siman tabatin un cambio di tripulacion. Esaki ta encera cu 14 persona a yega pa subi un di e tankeronan staciona pazuid di Aruba.

E proceso ta cuminsa for di momento cu nan yega na aeropuerto, unda cu a controla nan caba. Jefta Marine ta transporta nan pa Barcadera unda ta chek nan temperatura. Despues nan ta pasa dilanti un “foggermachine” di Arubpro, cu cual compania Jefta Marine ta traha.

Jefta Marine brindando servicio na tankeronan segun protocol di DVG

Jefta Marine brindando servicio na tankeronan segun protocol di DVG. Click link pa mas https://24ora.news/3eqx0eT

Posted by 24ora on Tuesday, July 14, 2020

E tin un substancia cu ta desinfecta e personanan aki por completo. Na final cada un di e trahadonan ta haya un coverall desechabel pa por subi e barco cu ta transporta nan te na e tankero.  Nan ta haya nan mond kapje y hand sanintizer di e compania, cual tin aborto tambe.  Despues di baha e hendenan na e tanker, e boto ta bolbe Barcadera y ta desinfecta e nave por completo pa e por sigui cu su siguiente trabou.

Antes Jefta Marine tabata traha den CITGO su refineria (201&0 y desde e aña’ki nan a cuminsa haci of brinda servicio na e tankeronan.