Despues di basta luna, porfin a mira e jeepnan di Kust Surveilance riba caya. Cuater Jeep prepara cu tabata casi un aña sperando e momento pa nan sali y cuminsa eherce nan trabou.
E jeepnan aki ta Wrangler y a wordo prepara cu wheelnan y tirenan diferente pa asina core areanan malo na costa panort di Aruba. A hisa e jeepnan tambe y hasta a pone un plachi di hero special pa cuida e parti abou di e vehiculo den e barancanan y caminda malo.
Mientras cu mas y mas illegal tabata drenta Aruba sin control cu botonan clandestino, nos tabata tin material cla pa sali controla. Pa falta di interes of conocimento di e minister di Husticia, e vehiculonan aki a keda basta luna para. E jeepnan aki por haci persecusion tambe pasobra nan tin luznan special y sirene. E intencion tabata pa Polis y Douane hunto cu Kustwacht traha pa sera e frontera. Nan tabata preparando un team. El a dura hopi. No ta conoci si e team ta cla. Loke por bisa ta cu e vehiculonan a sali riba caya. Si nan ta drenta mesora den funcion tampoco ta conoci. Kizas e mandatario mes lo conta e dianan aki kendenan exactamente lo ta parti di e Kust Surveillance. A dura pero Porfin nan tey y ta spera cu nan wordo bon usa tambe despues di casi un aña di espera. Esaki ta e momento cu e jeepnan Wrangler tabata den e area di waf uno tras di otro diasabra atardi.
