Ya pa varios dia caba e bario San Fuego ta pendiente p’e detencion di Jean Pierre Croes, ta busca pa detene pa su actonan contra ley. Diahuebs despues di 7:00 pm, varios unidad policial incluyendo helicopter a bay direccion San Fuego 22. Segun por a compronde, ta cas di e wela di e sospechoso y e lo ta scondi ey.
Polis a rondona e cas y busca rond. Nan no por a renta e cas debi cu e tabata completamente cera.
Poco prome cu 8:00 pm, un familiar a habri e cas p’asina e agentenan por a drenta. A controla ful e cas pero un biaha mas Jean Pierre Croes a scapa.
E agentenan a tira un bista den algun cas bandona den e area, pero no a logra haya e sospechoso.