Jay’s Tire ta rally den ultimo inning pa laga Celebrities den tereno 9-8

Campeopnato HEINEKEN fast pitch di aruba Softball Bond dedica na dos baluarte Jacobo Jansen y Gilbert “Nando” Maduro a continua riba canchanan na Pos Chiquito. Den categoria AA Jay’s Tire a enfrenta Celebreties y ta laga Celebrities den tereno den ultimo inning.

Celebrities ta anota 6 careda den promer inning mientras jay’s Tire ta corta ventaha den bom di promer cu 1 careda y ta anota 3 mas den bom di 3 pa hasi e wega 6-4. Celebreties ta amplia ventaha den cabez di 4 y 5 cu 1 careda pa inning pa asina hasi e score 8-4 den nan fabor. Jay’s den bom di ultimo inning ta rally despues di 2 out pa asina laga Celebrities den tereno 9-8 cu base jen y un base por bola cual a forsa e careda di victoria. Boxscore final Jay’s Tire 9 careda, 8 hit, 3 error y ta laga 7 coredor na base. Celebrities 8 careda, 12 hit, 2 error y ta laga 12 coredor den circulacion. Mihor bateadornan pa Jay’s Tire ta Filbert Thiel 1-1, Djurwin Croes, Josmar Thiel, Jorge Santana y Jowald de Cuba tur a bay di 2-1.

Pa Celebrities a destaca den causa perdi Ruwin Tromp 3-3, Ozzi Webb 2-1, Gregory Manuel Jr 2-2, Joshua Wever 1-1 y Wensley Kock di 3-2. Jorge Santana Cortina ta drenta releva Gianmar Alders den di promer inning ta pone e victoria riba su nomber. Jorge ta lansa 77 pitch permitiendo 2 careda tras di 4 hit y ta regala 4 base por bola ponchando un total di 8 bateador. Jeremy Geerman ta enfrenta 30 bateador tirando 117 lansamento permitiendo 9 careda di cual 6 ta limpi tras di 8 imparable otorgando 8 base por bola y asina ta bay cas cu e derota riba su nomber. Ultimo wega di campeonato valido ta dialuna awor 8 pm na Pos Cjhiquito unda Celebrities lo enfrenta Macuarima Spark Elektra pa complete e di 4 round y diamars , diaranson y diahuebs weganan di Playoff lo ta ON na Pos Chiquito. Softball competitivo. Waak pa Bo tey!

Comments

comments