Campeonato HEINEKEN fast pitch di Aruba Softball Bond dedica na dos baluarte jacobo Jansen y Gilbert “ Nando” Maduro a continua riba canchanan na Pos Chiquito. Den e di dos wega di playoff den e serie di best out of 3 entre Jay’s Tire number 3 vs Celebrities number 4 e muchanan di Jay’s Tire a baha pisa riba Celebrities pa garantisa cu nan ta avansa den play off ganando nan serie den 2 wega.
Jay’s Tire lo inicia un serie nobo di 3 wega vs Macuarima Spark Elektra dialuna, diamars y diaranson awor. Ganador di e serie aki lo drenta playoff final y lo topa Royal Power den un best out of 5 pa campeon di Aruba. Boxscore final Jay’s Tire 23 careda, 17 hit, 2 error y ta laga 5 coredor na base. Celebrities 4 careda, 6 hit, 5 error y ta laga 6 coredor den circulacion.
Asina tambe Celebrities ta despidi for di campeonato 2019 den nan promer aña den AA. Mihor bateadornan pa Jay’s Tire ta Jason Orman 4-2 incluyendo un doblete cu 5 careda anota, Sandrick Geerman 4-3 cu dos careda anota mas 3 rbi, Djurwin Croes 4-2 cu 2 rbi, Artoir Herrera 4-1 cu 3 rbi, Josmar Thiel 5-3 cu un doblete mas 2 careda anota mas 4 rbi, Gianmar Alders 2-1 cu un doblete y Egimar Lampe 4-2 cu un doblete mas 2 rbi. Pa Celebrities a destaca na plato Ruwin Tromp 3-1, Jose Luis Gonzalez 2-2 cu un doblete, Enrique Almansar y Leandro Baez ambos di 2-1. Jorge Santana Cortina ta pone e victoria riba su nomber enfrentando 25 bateador tirando 95 lansamento permitiendo 4 careda di cual 2 ta limpi tras di 6 hit ponchando 1 bateador y ta regala 3 base por bola.
Rudolf “ Rudy” Angela ta bay cas cu un macuto jena cu careda y e derota riba su nomber lansando 147 pitch permitiendo 23 careda tras di 17 hit ponchando solamente un bateador y ta regala 5 base por bola. Dialuna, diamars y diaranson awor na Pos Chiquito Jay’s Tire lo inicia su serie nobo vs Macuarima Indians.
