Javier Sandriman a gradua riba 6 di November 2017 cu un Bachelor of Economics pa e programa di “Finance & Accounting” na Universidad di Aruba (UA).
Javier no solamente a haci un trabou exepcional durante su pasantia na Aruba Marriot, pero alaves a scirbi un tremendo tesis titula: ‘Papercut: A research on how reducing paper dependency and implementing digital procurement processes will lead to a reduction in office supply spending at Aruba Marriot.’
Dilanti un panel di tres persona, consistiendo di sra. Artaiza Fräser, sr. Dave Coenen y sr. Edward Erasmus, Javier a duna un presentacion unico y a sa di defende su tesis. Famia, coleganan y amigonan tambe tabata presente pa asina apoya Javier na e ultimo capitulo di su Bachelors study.
Durante su estudio na UA, Javier a demonstra di ta un studiante di hopi talento y semper tabata involucra den diferente projecto nan. Javier a forma parti di e club “Circle K of the University of Aruba” y tabata Vice President na 2016 pa 2017, cu hunto a haci diferente projecto nan positivo pa e comunidad di Aruba. E tambe a yuda crea diferente ‘Artwork branding” pa Universidad, cu te dia di awe ainda ta wordo huza y por wordo mira rond. E tawata parti di e marketing team cu a cuminsa den e departamento di oficina di asuntonan di studiante (OSA).
Javier Sandriman sigur ta un ehempel pa tur studiante. Un hoben cu a sa di mustra y comparti su talento cu tur hende y sigur tin un bon futuro pa dilanti. Universidad ta aprecia y honra tur studiante cu ta comparti nan talentoy alabez ta contribui cu e crecemento di nos Universidad,.
Universidad di Aruba ta felicita Javier Sandriman cu su logro y sigur nos lo haya falta di dje.
