Durante e weekend di Januari 16 pa 20, Javier Erasmus di Muscles & Lungs tabata tin un oportunidad unico di por a forma parti di e ekipo di Wodapalooza.
Wodapalooza un di evento nan mas grandi di mundo dsp di CrossFit Games, Wodapalooza ta existi 8 aña, y ta un fitness festival pa hendenan di tur edad, estado fisico y tambe esnan cu limitacion na Miami.
Javier Erasmus hunto cu Anton B. tabata encarga cu e parti di Venue + Elite athletes Control como Head Staff Javier tabata tin varios boluntario bou di su encargo pa percura pa tur cos ta run smooth y pa cu tur e bolutarionan ta na un position adecua pa cu e siguridad di atletanan y publico.
E trabou a cuminsa desde diaranson merdia caminda a yuda cu e set-up di e evento, y a termina te cu diadomingo anochi ora tur premio a wordo otorga na e ganadornan.
Tur anochi Javier tabata a atende e Head of staff meetings pa asina por repasa e dia y planea pa e proximo dia.
E experiencia aki tabata algo unico, caminda no solamente a siña diferente cos, pero tambe a conose miho y traha cerca cu esnan cu ta organisa fitness festivals di un gran magnitud. E experiencia aki lo ta importante pa ora yega na e organisacion di eventonan manera Fitville cu ta tuma luga na Aruba.
Tambe nos por bisa Javier a invita varios di e top atletanan aki personalmente di bin pasa un dushi vakantie aki na Aruba. Esaki sigur lo trece e comunidad di Fitness na Aruba hunto pa experienca unico y inolvidabel.
