Awe bo por bin busca e flornan di mas bunita, pa e ser cu mas bo ta stima. Jardin Caribe tin un surtido amplio di diferente flor, unda cu bo por laga traha e bouquet di mas grandi, di mas yen, te na e simpel rosa, cu ta un detaye special riba e Dia di Amor y Amistad.
Jardin Caribe ta un di e floresteria di mas bieu na Aruba y nos a papia cu Jurgen Booi, kende ta manager di e floresteria, a conta nos cu nan a cuminsa casi 60 aña pasa. Semper tabata tin un pasion pa flor. El a bin for di su wela caba y el a pasa di generacion pa generacion.
Aki ta haci tur cos cu flor, for di Casamento, pa areglonan floral y awor aki, ta enfoca riba tecnologia nobo, esta ordo online. Jardin Caribe ta riba tur plataforma online. Por ordo online riba nan website www.jardincaribe.com. Tambe por haya nan riba Facebook y tambe Instagram.
Awe, riba Dia di San Valentin, nan a haya hopi ordo online. Riba e dia aki mes ta enfoca riba Cash & Carry. Hendenan por pasa na nan tienda den Koningstraat 47 y pasa buca nan areglo floral pa e ser tan stima riba e dia aki.
Si nos bay riba nan website, nan tin un variacion inmenso di bouquetnan di flor, tambe cu chuculati den dje, con cu bo kier. Loke a resalta ta e Rainbow Flowers cu tabata un exito rotundo pasobra tur a caba.
Tambe nos a papia cu Marlene Maduro di Ling & Sons, kende a conta nos di na variacion amplio di regalo pa e Valentino. Sea cu ta flor, chuculati di valentino, mangel, bolo pa e Valentino, ki regalo cu bo por pensa, bo por pasa na Ling & Sons.
Asina ta, bo por pasa busca bo Bouquet na Jardin Caribe, djey pasa Ling & Sons y busca bo caha di chuculati y bo ta cla pa bo Dinnerdate awe, riba Dia di San Valentino.
