James Finies: Apartheid a yega Boneiru?

415

Djaluna próksimo 4 di yüni pa mitar di shete Akademia Popular Errol Scoop, e ala di edukashon informashon di Movementu Kousa Promé, ta kontinuá na Sentro di Bario Santa Maria ku e siklo: “Hulanda: un karga grandi sin rudia”. E oradó ta e konosido aktivista for di Boneiru sr. James Finies.

Señor James Finies lo elaborá riba e opinion di pueblo ekspresá den e último referèndum ku a tene na Boneiru. E pueblo a ekspresá bon kla ku e no ke keda biba mas den e situashon ku e ta aktualmente.
Awor ta kon e situashon aki ta? James Finies lo aklará esaki na plaka chikí.
Señor Finies lo mustra kon Hulanda ta reprimí kultura, kustumber i tradishonnan boneriano.
Kon a degradá e boneriano i hasié un siudadano hulandes di segundo rango riba su propio isla.
E boneriano ta birando for di 10-10-10 kada dia mas i mas pober.
E simia di “apartheid” ya ta sembrá na Boneiru?
Kousa Promé ta invitá tur yu di Kòrsou i tur boneriano bibá na Kòrsou pa bin skucha kiko ta pasando ku nan isla natal awe den siglo 21.
Bin skucha dikon e lucha i akshon di “Nos ke Boneiru bèk” ta hustifiká?
Yunan di Kòrsou sali kas bin solidarisá ku Boneiru.
Bonerianonan sali kas bin sostené Boneiru.
Señor Finies lo elaborá tur e puntonan aki a base di ehèmpelnan konkreto di moda ku tur hende por komprondé.
E siklo Hulanda: un karga grandi sin rudia ta kontinuá e siman aki ku sr. James Finies, otro siman dia 11 di yüni ku mr. Ruthmilda Larmonie-Cicilia i dia 18 di yüni ku mr. dr. René Rosalia. Un pueblo informá ta un pueblo ku defensa.
Inskripshon pa e siklo ta kosta FL. 25,-.