Ivy Anne Browne cu obra dedica na su tata

Ivy Anne Browne ta un alumno di St. Paulusschool na San Nicolas y e tin diesun aña y ya for di su seis aña el a cuminsa pinta cuadra, haciendo esaki 5 aña pintando. Ivy Anne a dedica su pintura na su tata, kende ta un pashent di cancer, diagnostica durante e pandemia cu cancer na higra.

Ivy Anne no por ta cerca dje y ni tampoco su tata lamentablemente, mirando e distancia. Su tata ta biba te na Florida. Door di esey el a dedica su pintura, cual el a pinta na momento cu Cosecha a bin cu su tayer pa dedica un obra di arte na un ser stima.

Pa loke ta trata su pintura, e obra ta ilustra e olanan bruto ta nifica tur e lunanan cu e tata a bringa cu cancer. E pia y e cangreu ta nifica con el a vence e cancer.

Ivy Anne Browne cu obra dedica na su tata

Ivy Anne Browne cu obra dedica na su tata http://24ora.news/2Pq1kj2

Posted by 24ora on Wednesday, March 3, 2021

Ivy Anne a yega di pinta varios pintura durante tur e temponan aki. Esunnan mas popular ta un obra traha di macaroni, yama un Pop-art. Despues e tin un obra pinta riba un surfboard dedica na Sarrah-Quita Offringa y firma pa e atleta tambe.

Un otro obra cu el a traha ta di un aguinaldo, dedica na Chamaco v/d Linden. Aworaki, e ultimo obra aki ta dedica na su tata.

Ivy Anne por ultimo ta conseha tur hoben y hende grandi pa sigui boso soño. Kere den boso soño y nunca stop di soña.