Pa varios decada Island Finance ta forma parti di nos comunidad y a sa di yuda famianan na differente occasion haci soñonan bira realidad. E biaha aki Island Finance ta cla pa sigui duna bek na nos comunidad.
Pa haci esaki posibel Island Finance a haci entrega di varios tas di scol completamente equipa cu tur material necesario cu e muchanan mester durante henter aña.

Mirando cu aña escolar 2019-2020 ta den porta, Island Finance ta convenci cu nos muchanan tin e derecho di bay scol bon prepara pa asina por tin un aña escolar fructifero y exitoso.

Island Finance a aserca e instancia social Fundacion pa Nos Comunidad pa consulta cual ta e muchanan cu mas mester di dje y asina logra yuda y alegra nan aña escolar nobo. Island Finance ta sumamento contento di por yuda y duna bek na nos comunidad como muestra di aprecio pa tur e añanan di sosten y apoyo cu pueblo di Aruba a sa di duna e compania.
Pa finalisa Island Finance kere cu estudio ta e prome paso pa logra realisa tur bo metanan den futuro y ta desea tur mucha di Aruba un feliz y exitoso aña escolar 2019-2020.

Comments

comments