Island finance tin un otro logro grandi, habriendo un Express Branch den e bario di Piedra Plat. Ivy Simon, managing director di Island Finance Aruba, a splica cu por ta sumamente orguyoso despues di cuater branch cu tin, Island finance lo bay tin su prome Express Branch di Aruba.

Esaki ta nifica cu tur e cuater branchnan cu tin, tin mas cu 15 trahado. Un di nan tin mas di 20 empleado tambe. En total Island Finance tin 80 empleado awendia y e no ta descarta cu island Finance Express tin 3 empleado trahando na e luga nobo aki.

Kico e ta representa?

Esaki ta representa e servicio rapido. Cualkier hende kier bin haci un pago of prestamo, Island Finance tey. E concepto ta pa yega mas cerca di e hendenan na Aruba. Ta cuminsando pa drenta den e districtonan. Rason pa yam’e naturalmente un Express Branch. Esaki no lo ta e prome. Ta spera cu lo bay tin mas aki na Aruba y ta spera cu prome cu aña caba cu ta habri un otro mas cerca di e habitante.

Manera cu e logo mes ta bisa, “Island Finance, bo por conta cu nos”.

Expansion

Sra. Simon a splica cu esaki ta un concepto totalmente diferente, Island Finance Express ta na Aruba pa e comunidad di Aruba.

Island Finance ta conta riba 100 hende, esey ta e 80 empleado, mas empleadonan indirecto cu ta trahando cu nan.

Mensahe pa pueblo

Island Finance Express Branch a habri oficial. Su servicio ta di dialuna pa diabierna. Di 8’or y mey di mainta pa 5’or di atardi. Si e pueblo ta desea cu e orarionan por wordo extendi, ta bay traha riba dje cu pronto lo bin cu sorpresa. Por ta por bay cambia horarionan haci’e mas flexibel pa tur esnan cu ta traha te cu 5’or. Por ta tin sorpresa, Simon a reitera y pa keda pendiente.

Concepto propaga den Caribe

Oriol Segarra, presidente y CEO di e compania madre, esta CFG Financial Group, a conta cu e Grupo di Island Finance tin 70 sucursal rond di Panama, Trinidad & Tobago, islanan Hulandes, Puerto Rico y a crea un concepto di Express y esaki ta number 11. Na Aruba tin cuater sucursal. E Express lo ta e di 5 ubicacion y 13 mil cliente.

Esaki ta 6% di e compania total y  nan ta mas cu orguyoso y feliz pa habri e prome Express na Aruba.

Kico tur ta e beneficio di facilidad Express

E bon cos di Express ta cu eynan por haci tur cos. Nan por solicita, nan por logra haya nan prestamo, haya servicio di cliente cu nan ta desea. Tur cos mescos cu un sucurscal, pero na un luga hopi mas rasonabel. Un luga facil pa yega y cu solamente dos empleado, den un area hopi chikito y por obtene tur e servicionan cu nan ta desea.

Ampliacion

Ta spera pa habri un of dos luga adicional den e proximo 2 aña y e intension un biaha mas pa duna bon servicio na e 13 mil clientenan, unda cu nan por haya un Express bon facil ademas di e otro 4 sucursalnan, den un mercado hopi fuerte, representando 16% di e negoshi total, generando mas di 800 credito personal pa luna. Aruba, den e ultimo 30 añanan ta un di e areanan operacional mas importante di henter e compania.

Comments

comments