Iron Order MC a haci un actividad special pa asina logra yuda muchanan den necesidad. Diadomingo atardi nan a clausura nan actividad cu hopi satisfaccion.
Nan a logra cera e dia cu un donacion di pueblo pa acomoda 330 mucha cu tas pa scol. Iron Order MC ta gradici tur esnan cu a sostene e causa pa asina via nan por yuda e grupo di mas cu 300 mucha. Danki ta loke nan a expresa durante e final di e evento na Cumana diadomingo atardi.
Esaki sigur ta un bunita iniciativa y cu otro organisacionnan ta haci tambe den e temporada aki dunando un man na esnan vulnerabel den comunidad of esnan cu a cay den un situacion dificil financieramente. Asina tin por ehempeo como un di esnan cu ta haci e proyecto aki pa hopi anja cu ta e club di servicio Kiwanis. Pero tin hopi mas y den esaki tin tambe Iron Order MC pa cual sigur comunidad ta gradici na miembronan di e organisacion aki pa nan input pa e bunita causa aki.