Kontinuando ku un investigashon relashoná ku un atrako ku a tuma lugá 8 di desèmber 2019 den Kaya Respond’i boka, polis a detené un sospechoso. Djabièrnè 17 yanüari 2020, alrededor di 5’or di mainta tim di atrako konhuntamente ku tim di aresto a detené e dama C.C.A.W., nasé na Kòrsou di 25 aña di edat, komo sospechoso den e kaso di atrako ariba menshoná.
Detenshon a tuma lugá na un kas na Rio Canarioweg i tambe polis a hasi investigashon den e kas i a haña i konfiská artikulo ku ta di importansia pe investigashon. A presentá sospechoso dilanti un Fiskal Ouksiliar ku a ordená su enkarselamentu pendiente di mas investigashon.
