Cuerpo Policial ta continua cu nan esfuerso y investigacion na momento cu sosode un atraco pa asina detene e criminalnan aki lo mas pronto posibel. Esaki ta e caso di awe marduga na momento cu atraco team a drenta den accion.
Un entrada Hudicial a tuma luga den oranan tempran di mainta ( marduga ) na un Cas na Sero Blanco caminda a detene un homber di inicial J.C.V.V di 28 aña di nacionalidad Venezolano. E persona aki tabata envolvi den varios atraco entre otro na Scopapelstraat ( Dakota ) dia 10 di juni 2020 como tambe atraco riba snack truck “Sabor Tropical” dia 3 di juni 2020 den area di De La Sallestraat na Playa.
Durante e entrada hudicial a confisca celular y diferente articulonan cu ta sospecha cu a usa durante atraconan cometi. Cu e detencion aki ta conta cu un atracado menos riba nos isla.
