Ta algun siman caba cu internamente Duana ta investigando un diamanta cu a perde den nan man. E joyeria Shiva’s a importa algun diamanta di un balor halto, cu a yega Aruba cu avion y tabata den un espacio sigura na Swissport, antes conoci como Aerocargo. Parce cu un duanera a habri e espacio sigura aki di carga, pa bay “wak” e diamanta y den e proceso e piedra precioso a “perde”.
Di acuerdo cu version di e duanera, cu e joya lo a cay y perde entre a cahanan y cashinan cu tabata eyden. A busca pa dianan largo pero nada. Hasta tin papia cu despues di algun dia el a trece un piedra parecido di su cas, pensando cu esey t’e, pero a resulta envano. Coleganan a cuestiona con un diamanta cu a perde na Swissport den man di un duanera, por a yega te su cas. Pa mas informacion y detaye di e caso, lesa e edicion di TREMPAN di diasabra ultimo.
