Diahuebs a sosode un caso cu a pone autoridad den accion mesora. Aki ta trata di un denuncia pa alerta autoridad di un Pedofiel canando den e area di Activity Center na La Cabana Resort & Casino, hopi frecuenta pa muchanan durante e temporada di vakantie. A nota presencia di un turista masculino di edad avansa canando den cercania.
Den e Activity Center tin varios leidster pa tira bista riba e muchanan y haci actividadnan cu nan. Un di e muchanan a bati alarma na su mama ora a constata kico e homber bieu tabata haci. Ora el a conta su mama mesora e mama a bati alarma na autoridad y na siguridad di e hotel. La Cabana Resort & Casino a tuma e caso masha na serio.
A start un investigacion profundo y Polis tambe a cuminsa busca paradero di e turista aki. E homber tabata haci movecionnan perverso den presencia di e muchanan, purbando pa e muchana mishi cune na partinan intimo. No a registra ningun caso lamentabel. Esaki danki na e reaccion rapido di e mucha cu a bati alarma na su mayornan.
E mayornan mes ta un famia conoci den comunidad. E mucha muhe envolvi ta yiu di un ex Minister. Nan ta keda den famia na La Cabana Tesort & Casino hunto cu nan yiunan. Danki na nan reaccion rapido a pone cu tin atencion extra di siguridad pa evita cu e homber aki por ehecuta su plan.
No por a confirma si e Pedofiel aki ta kedando na dicho hotel unda e ta busca malo pa haci cu muchanan.
