Intimidacion a drenta Enseñansa

1476

Sindicato SIMAR ta hopi preocupa cu e situacion reinante den sector di Enseñansa. No solamente pa e decisionnan unilateral pero ta pa intimidacion cu a drenta e sector aki tambe. E ta motibo cu hopi maestro y docentenan no ta tribi di bini dilanti mas. “Esun cu na final lo sinti e efecto ta e studiantenan,” Josephine Albertus, presidente di SIMAR a duna di conoce.

SIMAR a bin ta ricibi basta melding di intimidacionnan cu ta tuma luga na pia di trabou. E ta un situacion delicado pasobra e consecuencia ta cu e miembronan di SIMAR no ta bini afo mas manera antes pa vocifera e problema.

Intimidacion a drenta Enseñansa

Intimidacion a drenta EnseñansaClick link pa mas: https://24ora.news/2Np18Aa

Posted by 24ora on Monday, February 22, 2021

E motibo ta cu ora nan haci esey, ta haya nan mes confronta cu intimidacionnan.

“Nan ta wordo yama den oficina nan so pa intimida nan, ta cambia nan pa otro scol of movi di nan puesto. Esaki ta hopi preocupante. E paz laboral cu un docente tin, no t’ey mas,” Albertus a splica.