Carnol Montilus, naci na Haiti pero cu a cambia su nacionalidad pa Hulandes, tabatin 28 aña bibando na Aruba. El a biaha dia 8 di september ultimo pa Haiti pa entiero di su ruman y lo a regresa Aruba dia 6 di october bek. Pero dia 5 di october el a sali cas na Haiti y nunca mas a yega of laga sa unda e ta of si e ta na bida. Su famia ta teme cu algo malo a pasa cu ne. Aki na Aruba nan a bati alarma na autoridad local, pidiendo búsqueda, pero ainda nada. Su señora y un yiu muhe a pidi comunidad, via 24ora.com, pa yuda busca nan ser keri y pa autoridadnan local activa pasobra ta un ciudadano Hulandes e ta perdi na Haiti. Famia di Haiti a menciona dos sospecho, sea a secuestr’e of a mat’e. Pero ningun di dos no tin evidencia ni nada, pues e speransa cu e ta na bida tey cerca su famia na Aruba. Pa mas informacion lesa Trempan
