Un rato pasa abogado mr. Arie Swaen a sali pafo, despues di casi dos ora di reunion cu Minister Marisol Lopez-Tromp. Mientras cu el a bisa cu e reunion a bay bon, e no por bisa nada mas pasobra ainda e no a papia cu Minister Presidente. Ta trata aki di e diferencianan di opinion den seno di partido POR cu awo a yega na e coalicion completo.
Presidente di e comision di intermediacion ta ex-Informador di Gobierno, esta e conocido abogado mr. Arie Swaen. Como miembronan di e comision ta Raymond Arends pa partido POR, Robby Croes pa partido RED y Swinda Winterdaal pa partido MEP.
Nan cuater a sinta cu Minister Marisol Lopez-Tromp pa atende e impasse cu a presenta den coalicion relaciona cu e peticion di partido pa e entrega e funcion di Minister.
Na salida e presidente di e comision a bisa cu e reunion a bay bon pero cu no por bisa nada ainda pasobra e no a haya chens pa informa Minister Presidente ainda. Entretanto tin mas reunion paden y Minister Marisol Lopez no a sali pafo ainda.