InterCaribbean tin interes den Insel Air

Gobierno di Corsou y e administradornan di InselAir International BV kier a confirma cu nan ta den combersacion cu InterCaribbean Airways.

InterCaribbean Airways ta un aerolinea regional cu sede na Turks & Caicos, funda 26 aña pasa y ta forma parti di InterIsland Aviation Services Group.

InterCaribbean Airways a expresa interes den InselAir International BV, unda cu por responde rapidamente pa restablece e compania y su rutanan, y e oportunidd di uni ambos aerolinea bao di un solo, pa crea sinergianan den ofrece opcionnan mas grandi den Caribe.

CEO, Trevor Sadler a afirma cu nan a bin ta papiando cu administradornan di e compania y ta spera e proximo pasonan.

Lars de Brabander, Presidente Ehecutivo pa InselAir Internatinal BV a declara cu mientras cu nan ta warda pa e detayenan finalisa, nan ta kere firmemente cu esaki ta bon pa Corsou, e accionistanan y e clientenan di InselAir. E operacion actual di InterCaribbean lo pas bon den e red actual y previo di InselAir, conectando sur di Caribe sin problema cu e parti noordoost y  oost di Caribe y aunke combersacionnan ta continua cu otro posibel socionan strategico, e ta parce un bon opcion pa un aliansa strategico di aviacion.