Diaranson mainta trempan despues di 6’or, un Patruya di Polis a bay pa un asistencia pidi na un cas den Balsamostraat pa un caso di destruccion.

Na yegada e habitantenan di e cas a splica e polisnan cu nan a ripara cu tabata tin un intento di horta koper (esta via e tubo di awa) pero pa un of otro motibo a wordo stroba. A haya un tas preto cu algun pertenencia den cura.

Polis a tuma esaki den beslag pa wak si e tas y su contenido por duna indicacion ken e malhechor por ta of si tabatin mas cosnan horta eynan of otro caminda. Despues di a tuma datonan di e habitantenan, e Polisnan a sigui cu nan patruya.

Comments

comments