Diaranson, den careda di 4’or y 10, a drenta un melding cu antisocialnan tabata purba di dorsa un di e mashinnan di ATM na Paradera pa asina nan horta placa. Ta trata aki di dos individuo bisti na preto, kenenan cu un haak, a purba di habri un di e mashinnan aki, pero afortunadamente nan no a logra. Polis naturalmente a presenta na e sitio pa asina nan haci nan investigacion y tuma nota di loke a sosode.
