Awe mainta empleadonan di Departamento di Asunto Social a topa cu situacion desagradabel na trabou. Intento di kiebro a tuma luga pero no ta sigur na ki momento esaki a sosode mirando cu e departamento ta cera den fin di siman.
Na sitio a tuma nota di bentana kibra y glasnan riba vloer pero e destruccion no a pasa mas di esey y no a logra drenta ni bay cu nada parti paden. E malechornan a fracasa den nan intento. Locual cu si ta remarcabel cu casonan di ladronicia a lanta cabes den forma drastico ultimo dianan y ta consehabel pa comunidad ta mas cauteloso cu nan propiedad y ta mas alerta cu cualkier movecion of persona straño den vecindario.
