Instancianan social a laga ciudadano incapacita desampara

4132

Dionisio Lampe a haci intento pa haya bijstand, pero e contesta di Departamento Social tabata negativo. E motibonan ta cu e no a entrega carta di trabou; e ta “afgekeurd” medicamente y su casa no tin nacionalidad Hulandes.

Dionisio ta den un situacion hopi dificil cu e no por keda na su cas, unda no tin ni coriente ni awa. E ultimo golpi ta e carta cu el a ricibi cu nan ta bay kita e cas for di dje.

Actualmente e ta kedando na un cuarto den cura di su mama. “No tin manera. Mi ta yama Minister, pero niun hende ta yudami. Tur e cos aki ta dunami depresion. Mi no por traha door di mi pia y mi ta diabetico.”

Instancianan social a laga ciudadano incapacita desampara

Instancianan social a laga ciudadano incapacita desampara. Click e link pa mas https://24ora.tv/3iKCDaZ

Posted by 24ora on Friday, September 18, 2020

E ta conta cu e ta bay Departamento Social, pero nada. “Mi ta mira con stranheronan ta haya FASE pero ami no ta haya nada. E unico cos cu nan ta bisa ta pa bin mañan. Mi ta fada. E cos aki ta dal mi duro.” Lampe a bisa cu Dios gracias e ta hayando ayudo di su famia cu ta dun’e algo di come.

E ciudadano aki a perde su pia den un accidente di auto pero cu transcurso di tempo el a bira diabetico y awo mester haya hangua, dos biaha pa dia. Meymey di tur e precaucion aki ta bini esun cu e no tin ningun entrada y ta menasa di kita su cas for di dje. “Con mi por entrega my payslip, si mi no ta traha ningun caminda. Mi no ta haya onderstand ni FASE. Mi tin casi seis papel di awa y coriente.”

E ta haci un apelacion na Gobierno pa dun’e su onderstand bek pa e por yega na un areglo cu e companianan di utilidad y haya su cas bek, cu e tin 20 aña caba cu FCCA y nunca a faya. Te awo door di e crisis di coronavirus, el a cay den e situacion aki. “Nos ta yamabo, pero nunca nan ta yama. Mi kier haya mi onderstand bek. Ya caba mi a cuminsa bende mi cosnan di cas. Mi mester bende nan pa mi keda cabes riba awa.”