E aña aki un biaha mas Comision Celebracion Dianan Nacional (CCDN), Departamento di Cultura Aruba (DCA) hunto cu Comision Arte di Palabra y Grupo Corector di Papiamento, ta organisa e prestigioso competencia pa nombra nos Poeta di Patria di 2019.
Pa e motibo aki nos ta extende un invitacion na tur escritor, poeta y declamado di 18 aña y mas, pa busca den nan curason e inspiracion pa skirbi bo miho elogio y poema na Papiamento di nos dushi tera Aruba y su Cultura.
E ultimo dia pa entrega bo obra lo ta dia 4 di maart proximo, ya cu e competencia lo tuma luga dia 13 di maart. Di tur e obranan cu Comision ricibi, lo saca e mihonan y e escritornan aki lo mester bin presenta nan obra, durante un anochi cultural dia 13 di maart 2019 na Scol di Arte. Si acaso bo mes no por presenta bo obra, por laga un otro persona present’e pa bo.
Cada escritor por entrega un (1) obra y e tema pa e aña aki ta: “Aruba su Cultura”. E poema mester ta na Papiamento y por tin entre 4 cu 9 strofa; cada strofa mester tin 4 frase y por rima.
Lo tin premio pa e Poeta di Patria y pa di dos y di tres luga. Manda bo obra no mas tarda cu dia 4 di maart na [email protected]
