Iniciativa pa Desaroyo pa Empresa Arubano cu tayer pa yuda habri negoshi

Departamento di Asuntonan Economico, Comercio y Industria mediante su unit di Iniciativa pa Desaroyo pa Empresa Arubano (IDEA) y cu colaboracion di su unit Establecimento di Negoshi, kier invita tur persona cu ta den proceso pa habri un negoshi pa asisti na IDEA su tayer di “Business License” dia 18 di november venidero.

E orador, Mary Baarh, hefe di e unit di Establecimento di Negoshi (Vestigings van Bedrijven) na Departamento di Asuntonan Economico, lo presenta e maneho y procedura nobo pa obtene un permiso pa opera un negoshi legalmente na Aruba. E maneho nobo aki a drenta na vigor desde oktober 2022.

E tayer aki ta completamente gratis y ta tuma luga na Departamento di Asuntonan Economico, Comercio y Industria, den Sun Plaza Building, piso 2, sala no. 25. E orario di tayer ta di 9:00 am – 11:00 am.

Pa tur futuro empresario y esun nan existente cu ta den proceso pa habri un of otro negoshi, por atende e tayer aki.

Pa por participa, mester registra via e siguiente link riba Eventbrite of por haya e link aki tambe riba nos Facebook page:‘Idea-Aruba’):

https://www.eventbrite.nl/e/tayer-business-license-tickets-464563872047

Registracion ta obligatorio y cupo ta limita. Si acaso mester di mas informacion tocante e tayer, por tuma contacto cu Louella Croes-Ras na IDEA via telefon #: 521-2400/521-2439. Tambe por sigui IDEA riba su Facebook page @Idea-Aruba of bishita nos website nobo: www.idea.aw.