Inflacion na Aruba ta 4% mas halto cu mesun periodo aña pasa

Oficina Central di Estadistica di Aruba (CBS) recientemente a publica e Indice di prijs pa consumido pa luna di maart 2019. E indicado clave ta cu inflacion ta subiendo un 4% mas halto cu maart 2018 y ta calcula un aumento di 4.1% den e ultimo 12 lunanan!

E website www.tourismanalystics.com a analisa e cifranan y a deduci cu e aumentonan clave ta den area di cuminda pa consumo domestico (te na un 12.4% desde maart 2018), bebidanan alcoholico pa consumo domestico (te cu 14.4%) y servicio di telefon (te cu 11.8%). E tres factornan aki por compronde cu ta 16.9% di e peso di e index.

Den categoria di alimentacion, e prijs promedio di carni a aumenta cu 11.7% den e ultimo 12 lunanan, fruta a subi cu 18,9% y berdura cu 18,1%.

Dos otro producto mayor, vivienda (25.5% di e index) y transporte (18.1% di e index), ta mustra poco cambio compara cu un aña pasa, cu a subi 1.2% y 1.5% respectivamente).

E aumento den costo di bida por splica e decision di Gobierno pa aumenta salario minimo cu 3% entrante diaranson 1 di Mei 2019.

Tabatin poco inflacion den prijs entre 2014 y 2017, pero e CPI ta mustra un aumento den 2018, cu un promedio di 4.6%.