Incertidumbre politico: Gobernador a regresa trabou cu urgencia

5761

Despues di e “blunder politico” cu a tuma luga den parlamento relaciona cu un mocion di desconfiansa presenta pa fraccion di MEP cu a bay contra tur reglamento di ordo, awe e dia ta continua cu incertidumbre grandi.

Mientrastanto a tuma nota cu Gobernador Alfonso Boekhoudt a yega su Gabinete den forma di urgencia. Ta conoci cu desde a presenta e pandemia di Corona Virus, mandatarionan ta traha for di cas y ta atende cu tur asunto oficial via digital.

Reunion extraordinario: Gobernador a manda yama Presidente di Parlamento na su gabinete. Mocion di desconfiansa cu voto limita a yega riba lessenaar di Gobernador.

Reunion extraordinario: Gobernador a manda yama Presidente di Parlamento na su gabinete. Mocion di desconfiansa cu voto limita a yega riba lessenaar di Gobernador.

Posted by 24ora on Friday, October 16, 2020

Esaki no ta e caso awe, un rato pasa Gobernador a presenta na su Gabinete y un rato su tras tambe a nota cu Presidente di Parlamento mr. Ady Thijsen a haci acto di presencia y a pasa mesora paden.

Reunion Urgente: Gobernador a yama Presidente di Parlamento

Reunion Urgente: Gobernador a yama Presidente di Parlamento

Posted by 24ora on Friday, October 16, 2020

Locual cu nos tin entendi cu tur e movecionnan aki a cuminsa na momento du Minister drs. Marisol Lopez-Tromp a presenta na oficina di Gobernador cu varios documento bou brasa. No ta conoci kico ta locual cu e biaha aki e Minister por a trece pero mester por ta di sumo importancia pa asina pone e Gabinete di Gobernador move cu urgencia riba un diabierna atardi lat.