Incertidumbre creciendo na Tra’i Merdia

Docentenan di Tra’i Merdia a informa nan sindicatonan SEPPA y TOPA di un carta cu nan a haya for di Minister di Enseñansa, dr. Rudy Lampe, cu ta ofrece nan un otro trabou. E mandatario ta papia di reeduca e personal pa prepara nan pa un otro carera. Nan ta sospecha cu kier elimina Tra’i Merdia y pa traha riba orario nobo di scol te cu 3:00pm.

E empleadonan no kier laga nan trabou bay sin mas. Tambe nan ta lamenta cu e mandatario ta preparando cambionan grandi den enseñansa sin envolvi e partnernan, manera ta sindicatonan y e docentenan mes. Mas ora di scol lo traduci den varios otro aspecto pa tene cuenta cune.

Riba dje, Tra’i Merdia ta guia mas di 1.100 alumno tur merdia te atardi. Ta 20 aña caba nan ta existi pues ta mas di 20 mil studiante a pasa bou mam guia y formacion. A demostra cu tin un necesidad pa e tipo di sosten asina, specialmente pa mayornan cu no tin e forma pa paga mas hopi pa yiunan keda merdia y haya ayudo cu nan tareanan di scol (huiswerk).

E lidernan di Tra’i Merdia ta den contacto cu man sindicatonan pa fiha ki posicion lo tuma. Hecho ta cu a haya e carta net prome cu dianan di vakantie y ATV. Scol lo cuminsa te otro luna atrobe.

Comments

comments