Maracaibo, Venezuela, pero a bin biba na Aruba cu su mayornan Aquiles Ravando Raven y Essaya Raven-Quant na un edad hoben di 8 ana y a keda biba te dia cu Creador a jame.
Na un edad hoben Ellen, acompana pa su mayornan a cuminsa bishita Kerki Protestant na Oranjestad. Ellen a crece den Kerki, a bishita zondagschool eynan tambe. Ellen a termina y a caba school cu un MULO diploma di Juliana School.
Ellen a conoce su esposo (awe dfm) Herbert Sydney Raven, jiu homber di Addison Winfield Croes y Johanna Graciela Henriquez, y ariba 9 di augustus 1944 nan a contrae matrimonio. Di e matrimonio aki a nace 5 jiu, esta Hedda, Esther, Elaine (dfm), Grace y Herbert (Boei). Pa hopi ana Ellen a biba na e cas cu awe ta e cede di Monumentenfonds den Avenida Milio Croes (Fergusonstraat). Despues di algun ana, nan a muda bai biba na adres cu ta Beatrixstraat # 16, caminda nan a lanta nan jiunan y ela keda biba despues cu su esposo a fayece.
Na un edad relativamente jong, Ellen a scohe pa pone tur su esfuerzo den trabow pa esnan mas fragil den nos cummunidad. Den ananan 60 p.e. Ellen tabata envolvi cu e projecto Melk voor elk kind, caminda cada mucha na tur school na Aruba tabata hana un kopi lechi cayente tur mainta. Ellen tambe a lanta varios organisacion cu ta traha pa esnan cu ta mas fragil y algun di esakinan ta:
- Condecoracion Real ~ Ridder in de Orde van Oranje Nassau ~ 1984
- Co-fundador di Protestants Christelijke Vrouwenbond Aruba ~ 1959
- Miembro Honorario di Protestants Chrtistelijke Vrouwenbond Hulanda
- Fundador y Presidente di Alida Lampe Fonds ~ 1965
- Queen’s Birthday Dinner & Dance hunto cu Aruba Caribbean Hotel ~ april 1967
- Miembro Honorario Fundacion Museo Arubiano
- 4 Termein Kerkenraadslid ~ Protestantse Gemeente van Aruba – Oranjestad
- 1 Termein Voorzitter Kerkenraad ~ Protestantse Gemeente van Aruba – Oranjestad
- Miembro di Oranje Vereniging
- Miembro Commissie ontvangst bezoek Koninging Beatrix & Prins Claus
- Voorzitter Commicion CAVA (Comicion di Amistad Aruba cu Venezuela)
- Miembro di Koninging Wilhelminafonds
- Miembro Commissie ARSCA
- Miembro y motor tras di Commissie Christelijke Markt-dag Aruba ~ viering Koniginnnendag.
Den cada un di e organisacionan aki Ellen a hasi un aporte grandi y a laga su marca atras. Cada un di e organisacionan aki a perde un baluarte grandi ora cu Ellen, pa motibo di su edad avanza a dicidi di tuma bida un tiki mas trankil. Apesar cu e no tabata activo den e organisacionan aki e tabata wordo jama na cas amenudo pa conseho y informacion. Awor cu Ellen no tei mas e perdida aki a bira irreparable.
Ellen Croes-Raven a pone su stempel ariba tur loke e tabata hasi y e stempel ey a sirbi di ehempel pa hopi otro hende sigui den su pasonan.
Cu Ellen su alma sosega na pas. Hopi forsa na jiu, nieto y henter famia.