E declaracion final ta describi e hayasgonan preliminar di e personal di IMF na final di un bishita oficial na Aruba (of “mision”). E actividadnan economico na Aruba ta recuperando lentamente y e perspectiva ta en general positivo, pero e riesgonan ta mustra toch cu e por baha. Dilanti e deterioro grave di e posicion fiscal den e decada posterior na e crisis financiero mundial, autoridadnan a embarca un plan ambicioso di consolidacion fiscal cu a establece e obhetivonan pa 2019 y riba mediano plazo.
IMF ta bisa den su rapport cu e autoridadnan a avansa hopi den e reformanan fiscal. Ta intencion pa mantene e impulso di e reforma pa logra e obhetivonan fiha pa pone e debe publico den un trayectoria descendente. Na e mesun momento, e prioridadnan mester inclui: mantene reserva y proteha e stabilidad financiero; elimina impedimento structural pa un crecemento sosteni y inclusivo; y posibilita e formulacion efectivo di normanan, door di elimina e diferencianan di dato.
Un mehoracion gradual den actividad ecnomico
1. Economia di Aruba ta recuperando lentamente. Despues di dos aña di crecemento debil, e GDP real a expande na 2.3% na 2017 danki na hopi consumo publico y e aumento den turismo cu bishitantenan crucero y turistanan Mericano cu a compensa e efectonan di e caida di turismo for di Venezuela. Apesar di e aumento den turismo, ta calcula cu e crecemento a baha na un 1.2 porciento na 2018, den gran parti debi na un consumo publico mas debil y un aumento den e crecemento di importacion. E inflacion a ubica riba teritorio negativo na 2016-17, pero a aumenta na 3.8 porciento na 2018, principalmente debi na aumento riba e tasa impositivo di e volumen di negoshi (mediado di 2018) y prijsnan di petroleo.
2. E crecemento ta proyecta riba un 0.7 porciento na 2019 y riba 1.1 porciento riba un plazo mediano. E plan di consolidacion fiscal, aunke ta esencial pa pone e debenan riba un trayectoria descendente, ta bay reduci e crecemento di e GDP real na 2019. E efecto aki ta bay mitiga e crecemento fuerte continuo di turismo di Merca. Y e implementacion di multiple proyectonan grandi di inversion (incluyendo aeropuerto, servicionan publico, hospital y hotel) durante 2019-21.
Riba plazo mediano, ta spera cu e exportacionnan di turismo real crece di manera constante rond di 1.2 porciento y hunto cu e contribucionnan di e demanda interno, ta spera cu e crecemento aumenta riba un 1.1 porciento. Ta proyecta cu e inflacion lo cay riba un 1.7 porciento na 2019, ya cu e efecto base di e aumento di e tasa di impuesto riba e volumen di negoshi, ta disparce y e prijsnan di petroleo ta disminui. Ta spera cu e inflacion sigui esun di Merca riba mediano plazo y aumenta gradualmente te na un 2.2 porciento.
3. E riesgonan pa e perspectiva ta inclina abao. Aruba lo sinti efecto di un posibel recesion den e economia di Merca. E riesgonan di e crisis na Venezuela a materialisa riba gran medida den e ultimo añanan, a medida cu e comercio bilateral a mira interupcion y yegada di e turistanan Venezolano a disminui hopi. Sin embargo, Aruba a logra absorbe e impacto di e crisis diversificando tanto e proveedornan como e mercadonan turistico.
E yegada di e refugiadonan y migrantenan Venezolano, parce di a wordo limita te cu awo. Un empeoramento di e crisis cu a conduci na un ingreso considerabel di refugiado, lo eherce presion riba e mercado laboral, infrastructura y turismo. E consolidacion fiscal planifica, ta bay aborda riesgonan importante riba plazo cortico pa mediano, pero por tin efectonan mayor riba esnan cu ta spera den e crecemento a corto plazo. Di e parti positivo, e implementacion di e reformanan structural necesario ta bay impulsa e crecemento potencial. Si ta bon, ta un posibilidad remoto, un reapertura di e refineria, ta genera inversionnan asocia y ganashi den trabao.
Mantene e impulso riba e reformanan fiscal
4. Varios recesion den e ultimo decada a afecta e osicion fiscal di Aruba. E efectonan di e crisis financiero mundial y e fin di e refinacion di petroleo na 2012, a deprimi e actividad y a aumenta e deficitnan fiscal y e debe publico. Na 2014, autoridadnan a emprende reformanan significativo riba e derechonan pa enfrenta e desafionan fiscal. No obstante, e sostenibilidad di finansas publico a sigui ta un preocupacion. Na 2018, autoridadnan a concentra riba e “maneho di crisis,” aumentando e tasanan diimpuesto riba e volumen di negoshi, loke a yuda na reduci e deficit fiscal. Na 2019, a cuminsa un esfuerso a largo plazo, pa reforma e sistema fiscal y contene e factura salarial.
5. E ekipo ta apoya e esfuersonan di consolidacion fiscal di e autoridadnan. E ahuste mester contene un combinacion di reformanan fiscal y racionalisacion di e gasto. Esfuersonan di reforma fiscal por sigui e conseho anterior di IMF y enfatisa e ampliacion di e base y cambio pa un reforma indirecto. E reduccionnan di gasto mester minimalisa e efectonan adverso riba e crecemento y proteha e servicionan gubernamental esencial. E ekipo a enfatisa e imortancia di mantene e implementacion di reformanan pa logra e obhetivonan fiscal a mediano plazo di e gobierno. A alenta e autoridadnan na identifica y ehecuta prome algun medidanan facil di implementa, mientras ta sigura cu e reformanan ta ekitativo, transparente y ta bon comunica pa garantisa su durabilidad.
6. Tin mester di reformanan adicional pa alcansa e obhetivonan di Gobierno. Esaki ta basa riba e evaluacion di e ekipo di e medidanan cu ya a wordo implementa. E mision a discuti cu Gobierno un conhunto di posibel opcion:
● Tin margen pa aumenta e ingresonan y e eficiencia atrabes di impuestonan indirecto. E introduccion di un “added value tax” por reemplasa e sistema actual di impuestonan indirecto. E esfuersonan pa mehora e administracion di e ingresonan, tambe por produci beneficionan tangibel.
● Por mehora e eficiencia di e gasto publico. E mision ta recomenda cu autoridadnan realisa un revision exhaustivo di e factura salarial pa compronde su principal impulsornan y establece medidanan duradero cu ta aborda su nivel structuralmente halto.
● Gobierno mester considera medidanan adicional pa garantisa cu e sistema di salud (AZV) no pone presion rib e presupuesto di gobierno. Mirando e enbehecimento di e poblacion, ta existi un necesidad particular di contene e costonan creciente di atencion medico.
7. E consolidacion fiscal premira, mientras cu e ta considerabel, no ta probabel pa e ta un obstaculo importante pa e crecemento a mediano plazo. E trabao na Aruba y otro paisnan den Caribe ta mustra cu e multiplicadornan fiscal riba plazo mediano ta chikito, debi na su naturalesa altamente habri. Mester pone atencion pa garantisa cu e rednan di siguridad social sigui ta eficas durante henter e proceso di ahuste.
8. Un cuadro fiscal solido a mediano plazo por reforsa e credibilidad di norma y sigura ganashinan duradero di e ahuste. E preparacion di un presupuesto a mediano plazo ta un paso den e direccion corecto, pero e proceso ta by beneficia di e formalisacion di un cuadro fiscal a mediano plazo y finalmente e adopcion di un regla fiscal formal pa salvaguardia e sostenibilidad. E ampliacion di e cobertura di datonan fiscal mas leu di e gobierno central, por garantisa un evaluacion mas completo di e impacto di gobierno den e economia y cualkier riesgo asocia.
9. Tin un necesidad pa coordina atrabes di e gobierno y codifica e strategianan pa financiamento fiscal y e maneho di debe. Financiamento mester evita e desplasamento di credito di e sector priva of pone presion indebidamente riba e reservanan. E mision a enfatisa e importancia di un cuadro di administracion di activo/pasivo cu lo yuda na aclara e “government-debt portfolio” desea, captura concesionnan di costo-riesgo, na proporciona mayor previsibilidad riba e sistema financiero y na reduci e riesgonan macrofinanciero.
Conservacion di reserva y stabilidad financiero
10. E sector bancario ta sigui ta solido, pero e crecemento di credito ta modesto. Banconan ta disfruta di beneficionan saludabel, tin “declining non-performing loans”, y ta mantene nivelnan eleva di capital y likides. Mientras tal nivelnan ta mitiga e riesgonan den e sector financieero, por indica un demanda anemico of falta di proyectonan empresarial viabel. E discusionnan cu autoridadnan y partinan interesa, ta sugeri cu ta dificil obtene credito fuera di e proyectonan di turismo riba un gran escala. E proximo resultadonan di e encuesta di inclusion financiero por manda mas luz riba e posibel problema y solucionnan di normanan.
11. E reservanan internacional actualmente ta adecua pa salvaguardia e paridad, pero mester incrmenta a mediano plazo pa mantene un cobertura suficiente y crea reserva. E consolidacion fiscal sosteni y e implementacion di reformanan structural cu ta mehora e crecemento por resplanda e acumulacion di reserva.
12. E postura di politica monetario, ta sigui ta uno apropia. Banco Central di Aruba (CBA) a aumenta recientemente e proporcion di rekisitonan di reserva riba un 12 porciento di e depositonan (cuminsando na Mei 2019) di 11 porciento. Esaki tabata pa reforsa e reservanan internacional, specialmente mirando e decision di gobierno di financia riba nivel nacional tur e necesidadnan di prestamo di 2019. E mision ta mira e movimento aki como prudente y no ta spera ningun efecto negativo potencial riba e actividad, ya cu e banconan tin exceso di likides. Den futuro, ta hustifica un mayor ahuste si e datonan entrante of e expectativanan ta mustra presion riba e bahamento den e reservanan internacional.
Desblokia e potencial pa un crecemento halto y sostenibel
13. Aruba mester mantene su marca di turismo halto, mientras ta esforsa pa diversica e fuentenan di turismo. E analisis empirico di e ekipo ta mustra cu e yegada di turistanan tin un efecto positivo den e crecemento. Sin embargo, tambe ta identifica un efecto di “agotamento”, cu ta mustra na e posibel disminucion di e rendimento di turistanan adicional. Por lo tanto, Aruba mester enfoca den ofrece servicionan di calidad ahtlo y infrastructura di turismo fisico pa maximalisa e gasto pa bishitante. Ta encurasha e continuo esfuersonan pa diversifica e base turistica riba paisnan Latinoamericano.
14. Autoridadnan ta haciendo esfuersonan pa diversifica e economia. E ekipo ta acoge cu satisfaccion e iniciativa di sectornan prometedor. Un enfoke adicional den e aumento di uzo di energia renobabel y eficiencia energetico por reforsa e competitividad y capacidad di recuperacion di e economia. E esfuersonan continuo pa expandi y modernisa e sistema di atencion medico por beneficia Aruba y por crea oportunidadnan pa turismo medico.
15. Tin un necesidad urgente di aborda e desafionan structural. Pa e plannan di diversificacion di autoridadnan obtene dividendo, Aruba mester aborda varios impedimento structural na e crecemento relaciona cu e entorno empresarial, e gobernacion y mercadonan laboral:
● Reformanan pa mehora e clima di negoshi mester wordo revitalisa. Prioridadnan ta pa elimina burocracia y reduci e procedimentonan incomodo asocia cu e creacin di un empresa y e obtencion di permiso y licencianan. E iniciativa di e-government pa simplifica y acelera e proceso di concesion di permiso ta un paso den e direccion corecto.
● Adresa e posibel vulnerabilidadnan di gobernacion, incluyendo corupcion, ta primordial. E reciente encuesta realisa pa CBA riba e corupcion percibi ta mustra algun preocupacion. Na October di 2018, e gobierno a establece un Oficina di Integridad cu ta drenta den funcion na 2019. Inicialmente lo enfoca riba prevencion di corupcion, e concientisacion y capacitacion. Posteriormente, e ta bay converti den un agencia di informe. E mision ta alenta autoridadnan pa sigui cu nan plannan pa combati corupcion, estableciendo un integriteitskamer, un codigo di gobierno corporativo y un defensor di pueblo (ombudsman).
● Normanan mester proteha e trahado, no e trabao y reforsa e capital humano. E regulacionnan di e mercado laboral ta estricto. E procedimentonan pa termina cu contractonan laboral parce ta incomodo y costoso, crera desincentivonan pa retironan voluntario, loke ta impedi e mobilidad laboral y e crecemento di trabao. E norma lo mester promove e flexibilidad di e mercado laboral y, na e mesun momento, brinda proteccion efectivo na e trahadonan: e indemnisacion door di retiro por ta reemplasa pa un programa di seguro di desempleo. Fuera di esey, ta existi e necesidad pa fortalece e capacitacion vocacional y alinea miho e curiculonan educativo cu e necesidadnan laboral di e sector priva.
Cera e gapsnan pa informa miho maneho
16. Cera e gapsnan di dato ta haci cu e formulacion di normanan ta mas efectivo. E ekipo ta acoge cu satisfaccion e bon progreso eralisa den e revision di e cuentanan nacional. E ta encurasha autoridadnan pa busca asistencia tecnico di IMF, si ta necesario. Mientras ta reconoce e capacidad limita pa avansa rapidamente, Aruba mester enfoca pa ta cubri cu indicadornan comporativo clave, manera “Doing Business” di Banco Mundial y indicadornan di Worldwide Governance y Transparency International Corruption Perceptions Index.
E mision ta gradicido na e autoridadnan y otro stakeholders pa nan hospitalidad y discusionnan altamente cooperativo y sincero.
