“Awe tawata un di dos dia super exitoso pa Aruba y Minister Xiomara Maduro di Finansas, Asuntonan Economico y Cultura aki na Washington DC”, asina Joselin Croes, Minister Plenipotenciario di Aruba na Merca a anuncia un rato pasa riba red social. E reunion cu IMF a produci varios acuerdo den cual e organisacion internacional lo brinda un lista largo di sosten na nos isla.
E logronan en corto pa Aruba y principalmente pa e Departamento di Finansas di Aruba ta:
- IMF Financial Assistance Division lo yuda Aruba cu un analisis di e gastonan di personal di Gobierno y lo bin cu un plan y consehonan con pa maneha y mehora esaki.
- IMF Tax Department lo haci un follow up meeting y lo yuda Aruba cu e auditing y control di e cambionan y aplicacionnan fiscal y cu capacitacion pa e organisacion.
- IMF Financal Public Management lo yuda Aruba cu capacitacion y training na tur e begroting coordinatorennan di Gobierno, Parlamento y Departamento di Finansas via cursonan online y ayudo technico riba con pa analisa, prepara y controla e presupuesto anual di pais Aruba.
- IMF Statistical Department lo yuda Aruba cu experticio y capacitacion pa siña nos con pa clasifica y traha estadistica di nos presupuesto anual.
- IMF Western Hemisphere ta e departamento encarga cu tur proyecto di Aruba cu lo coordina tur e proyectonan aki pa percura cu tur cos cana conforme plan y pa yuda nos tene cuenta cu e impacto financiero di e situacion na Venezuela pa nos finansas.
- IMF Department of Monetary and Capital Markets Department lo yuda Aruba cu un analisis di su maneho di tur su debenan.
- WorldBank lo yuda Aruba cu un posibel Debt Conversion of Blue Bond pa proyectonan di Blue Economy na Aruba.
- Tur e ayudonan aki ta completamente gratis y no lo costa e pueblo di Aruba ni un florin.