Diasabra anochi Imelda Kleuterschool a tene un anochi di pelicula. Vanessa Croes, cabesante di Imelda Kleuterschool, a splica cu ta un actividad, estilo Drive Inn, cu nan a bin ta organisa pa hopi luna largo, pa culmina den un tremendo actividad, unda cu nan tin 100% di apoyo di e mayornan y sigur e comunidad di Aruba.
Ta sinti esey tambe den presencia di e hende y muchanan y sigur ta asombra cu e cantidad di auto creativo, pasobra esey tabata e idea, pa asina e mayornan, hunto cu nan yiu, traha hunto na un auto, unda cu e mucha por sinta den su auto y wak e pelicula cu a presenta.
A cera e anochi cu 94 auto cu a registra pa asina por sali y gana un di e premionan. E scol ta hopi contento y gradicido na tur comerciante cu a sa di para y sostene e actividad aki y sigur pa e ta un exito rotundo, manera cada un a gosa di dje.
E idea aki a bin di e coleganan cu a bin ta reuni for di aña pasa riba dje, den ki forma mas creativo, unico y sigur tambe ofreciendo e mayornan oportunidad pa dedica tempo na nan yiu y for di eynan e idea a bin. For di cada colega ideanan a bin dilanti, ta con por bay haci’e. Uzando e componentenan aki, e famia por comparti momento unico cu otro.
Juffrouw Croes ta premira cu lo bay tin mas actividad. Loke a presenta y experencia, sigur ta den nan mente y curason, pa asina sigui organis’e.
