Iglesianan a uni pa plama palabra di Hesus den Drive In

1297

Iglesia Sion a uni cu algun otro iglesia mas pa organisa un evento pa pueblo cu a tuma luga diasabra anochi den Drive In.

Pastor Rigoberto Morel a splica cu e evento aki ta un idea cu Dios a pone cerca varios iglesia na Aruba. Nan a uni pa trece e palabra di Dios den diferente forma na Aruba. Apesar di circumstancia y pandemia, Dios ta stima y sigui obra na Aruba.

A haci un invitacion pa participa den e actividad y nan por a mira, segun Morel, cu masha hopi hende hoben a participa den e evento, den harmonia pa glorifica Dios.

Iglesianan a uni pa plama palabra di Hesus den Drive In

Iglesianan a uni pa plama palabra di Hesus den Drive In

Posted by 24ora on Sunday, October 18, 2020

Esaki ta e pensamento cu pastora Nuris de Freitas di Iglesia Odres Nuevos, cu a dicidi di participa den e campaña di evangelizacion aki na Aruba.  E iglesianan a dicidi di uni pa plama e palabra di Hesus y palabra di bida pa trece restauracion y paz den momento di calamidad cu mundo ta bibando aden.

Cada pastor a haya chens pa hiba palabra y tabatin un salmista di Puerto Rico y Venezuela, pero tambe tabata presente Montesanto, di Venezuela cu a trece un alabansa na momento di falta di speransa.

Por a nota rond di 200 auto na e sitio y den cada auto por tabatin solamente 4 persona.