Den cuadro cu Dia di Betico, e miembronan di Iglesia Odres Nuevos a tene un accion di limpiesa den e bario di Madiki.
Riba e dia aki, nan a probecha di e dia liber, unda cu nan a busca un baki di sushi y a haci limpiesa den e bario. Tur habitante cu tabata kier a probecha, por a benta nan sushi afo, naturalmente cu ayudo di e miembronan.
“Betico tabata un persona cu tabata gusta yuda anto nos kier a haci mescos riba su dia,” ta loke un di e miembronan a comenta.
E tipo di accion aki no ta bay keda riba e dia aki so. Pronto nan lo anuncia riba ki fecha, ora y bario nan lo bay t’ey presente pa tene un otro accion di limpiesa.
