Deporte Escolar a start sali cu e deporte di trefbal como e prome competencia den e sector menciona. E competencia ta pa mucha muhe naci 2008 – 2010 y esaki a tuma luga den Centro Deportivo Libertador Betico Croes dia 18 di october cuminsando pa 14:30.
Durante e torneo aki, e scolnan cu a participa ta Maria Goretti College, Colegio Laura Wernet Paskel, Colegio San Hose, Cacique Macuarima School y Maria School. E scolnan cu a enfrenta otro pa e prome y segundo luga ta Colegio San Hose y Maria School unda cu Maria School a conkista e prome luga y Colegio San Hose e di dos luga.
IBiSA ta organisa deporte escolar 2021 – 2022 den sectornan di Santa Cruz, Oranjestad, Noord y San Nicolas den e forma aki pa duna cada scol e oportunidad pa competi contra otro den nan sector. Den luna di december e scolnan ganado di cada sector lo enfrenta otro pa saca e scol campeon y e scol subcampeon di Aruba.
E calendario ta sigui riba dianan 19 di october den sector di San Nicolas, 20 di october sector di Oranjestad, 21 di october Noord y San Nicolas y 22 di e sector di Noord.
IBiSA ta invita comunidad di Aruba pa sigui nan via e pagina social pa keda actualisa di nan eventonan y otro informacion pa e comunidad di Aruba.
