Den conexion cu Dia Mundial di Actividad Fisico, 6 di april y Dia Mundial di Salud, 7 di april, IBiSA conhuntamente cu Fundacion Movimiento ta bida ta organisando 4 charla simultaneamente.
Nan lo tuma lugar dia 10 di april proximo na e siguiente localidadnan: MFA-Noord; MFA –Sta. Cruz; MFA-Savaneta y na IBiSA San Nicolaas (Sport Centrum) di 18:30 pa 21:00. Tema principal ta un estilo di bida saludabel cu enfoke riba actividad fisico y alimentacion saludabel. Na tur localidad ta bay tin un dokter y un dietista cu lo duna informacion valioso pa bo salud y contesta bo preguntanan.
IBiSA y Fundacion Movimiento ta Bida ta extende un cordial invitacion na henter e pueblo di Aruba pa probecha di e oportunidad y participa na e anochi di informacion. Pa mas informacion por tuma contacto via 5824987 y por sigui nos atrabes di facebook IBiSA Aruba.
