IBiSA a mira un necesidad pa update y alaves amplia e conocemento di su ekipo cu ta traha cu muchanan na scol y tambe durante evento deportivo of social. Pa e motibo aki a haci uzo di e oportunidad pa bin cu e curso di ‘Standard First Aid & CPR’. E curso aki a wordo duna pa profesionalnan di Cruz Cora.
E curso tabata tin diferente modulo cu ta First Aid, CPR y AED unda a repasa esaki nan den diferente escenario pa asina nos por ta miho prepara, e curso tabata uno di 8 ora largo unda e personal di IBiSA a pasa den e parti teoretico y practica.
Awe por bisa cu nos coordinadonan y instructornan di deporte cu ta traha den diferente programa por duna e prome asistencia pa alivia of stabilisa e situacion mientras ambulance ta na caminda te unda esaki ta necesario. Management Team di IBiSA ta contento cu e asistencia cu su personal di IBiSA y su instructornan a duna na e oportunidad brinda. IBiSA ta invitabo pa sigui nos via nos paginan social di Instagram, Facebook y YouTube. Unda por mira otro programanan cu e meta di aporta na un miho estilo di bida.
