Ibero: No a bay Polis pasobra mama di e victima mes a haci keho

Durante un conferencia di prensa, Ibero American High School a comfirma un caso lamentabel, den cual un studiante a bira victima di violacion di parti di un miembro di staff di e scol.

ADV

E director a menciona den varios ocacion cu nan a haci nan propio investigacion. Nan no a pensa pa haci un denuncia na Polis pasobra e momento ey no tabata necesario, mirando cu e persona tabata trahando cu Ibero y nan a kit’e for di trabao. Scol a ofrece e hoben consulta psicologico gratis.

 

Ibero American Highschool : reacion riba caso di abuso sexual

Posted by 24ora on Thursday, May 23, 2019

 

Ya polis tabata envolvi den e caso aki, segun e director. E director a sigui menciona cu e mama di e hoben a bay polis riba e caso aki. Esey ya caba tabata den man di polis y nan tabata sa kico caba pa haci. Scol tabata sa kico nan mester a haci y no a haya necesario pa bay polis.

Tur loke nan tin cu haci ta deal cu e problema internamente. E persona a haci loke nan no a gusta, consecuentemente a kit’e for di trabao tres siman pasa.

Segun e director, e mama a bay polis y a bay na servicionan social. Polis tabata na scol tambe segun e director. Tambe e trahado social tabata tey. No ta algo cu polis no tabata sa di algo.

Di parti di Cuerpo Policial, vocero Lito Lacle a indica cu no tin un keho oficial haci riba e caso.

Comments

comments