Desde e outbreak di COVID-19, niun hende no ta bayendo vakantie y seguronan no ta bendiendo seguro di biahe mas. E hendenan cu tin un “doorlopend reis verzekering”, mayoria ta bisa laga numa pasobra e prima ey no ta hopi halto.
Mayoria hende cu ta sigui y otro ta stop nan seguro di biahe. Nan ta wardando e momento cu dia nan por bay bek biaha y cera di nobo, segun Jacques van der Scheer di Guardian Group y miembro di IAA.
Loke mester compronde ta cu nan ta companianan di seguro y ta carga riesgonan, asina Angeline Tromp-Zievinger di Citizens Insurance y miembro di IAA, a bisa. Si un cliente tin riesgo, e ta bisa e riesgo aki, e daño material, e perdida financiero, e lo bay sufri. Den e riesgonan cu e companianan di seguro ta carga, nan tin cierto risiconan cu nan sa e ta un risico cu no ta “onzeker voorval”.
Na momento cu WHO a declara COVID-19 como un pandemia, mundialmente of global, pa tur compania di seguro el a bira un pandemia. Automaticamente e ta wordo exclui di cobertura. E ta un cobertura dificil pa haya na Aruba, mas tanto ta haya esaki afo. Automaticamente e ta algo cu no ta forma parti di e cobertura y e ta menciona den e condicion di polisa.
E persona mes ta haci e escogencia di expone su mes na riesgonan cu di antemano ta conoci. E companianan di seguro ta cubri e riesgonan di “onzeker voorval”. E probabilidad cu hende ta wordo infecta cu COVID-19 aworaki, e probabilidad ta uno hopi grandi. Esey no ta bira un “onzeker voorval” mas.
