“I Love Aruba” a haya su cas

Finalmente e atraccion turistico “I love Aruba” a haya su cas. Net dilanti Welcome Plaza diahuebs den oranan di mainta a pone e borchi aki riba e fundeshi cu a traha specialmente p’e siman pasa.

E sign aki tempo cu e tabata poni dilanti Bestuurskantoor, un area unda centenares di hende ta circula diariamente, tabata atraccion pa tanto bishitante como localnan. 

Sign di I❤️Aruba a yega su destino nobo na Welcome Plaza

Posted by 24ora on Thursday, December 5, 2019

Rumannan Lejuez cu a bini cu e idea aki, a probecha pa mientras cu ta trahando riba e fundeshi pa duna e “sign” un renobacion.

E borch a haya un man di verf, a pone “support” nobo pasobra ta hopi hende ta leun riba dje ora di saca potret. Renobacion di e trabou aki a tuma casi 6 siman, cu cooperacion di personal di DOW. E ta algo awo cu por bay wanta añas.

Asina cu a caba di pone e borchi, cu dos crucero grandi den fondo, el a hala atencion di e turistanan cu a probecha y saca potret di biaha. Mester bisa cu hasta tin coriente pa cual e borchi pronto lo por haya iluminacion.