Diahuebs pa 5:45PM a sosode un accidente na altura di Cas Ariba entre un Nissan March blauw y Hyundai Tucson cora kima. Yegando e t-kruising di Cas Ariba, e chauffeur di e Hyundai Tucson no a para pa duna preferencia.
Net na e momento ey tabata bin e Nissan March y consecuentemente e Hyundai a dal na su banda. Polis a presenta na e sitio pa tuma declaracion di ambos partido.
E chauffeur femenino di e March tabata keha di dolornan y di biaha a pidi asistencia di ambulance. E Hyundai a sufri dañonan material, unda cu e bumper dilanti a ranca casi completo.