Awe den oranan di mainta tabatin dos accidente a sosode riba e mesun ruta na Noord. Sinembargo e accidentenanaki no tabata di gravedad.
Un di nan a tuma luga na e crusada di Palm Beach den careda di 8’or di mainta. Causa di e accidente tabata indirectamente pasobra e lusnan di trafico no ta funcionando, segun e dos chauffeurnan ta bisa.
E auto marca Nissan Platina tabata bin di Playa bayendo direccion Ritz Carlton a para ora no a wak e luz di trafico ta trahando y ora a primi gas pa sigui e Hyundai Accent cu tabata biniendo for di e area di Hooters, a sigui core y a dal den e Nissan Platina. Chauffeur di Nissan a keda levemente herida. Ambulance tabata na e sitio ta atende e otro victima y mesora a duna e chauffeur tambe asistencia medico debi cu ta sufri di preshon.
