Velocidad halto y perdida di control na stuur ta causa di e accidente cu a sosode riba Sasaki Weg diahuebs atardi. Esnan cu a mira e situacion a bati alarma mesora. E chauffeur a logra sali di e auto.
E tabata un accidente unda auto a bolter mas cu un biaha y keda cuater wiel na laira. E chauffeur tabata levemente herida. No tabata tin mas auto envolvi. Airbag a bula tambe debi na e impacto. E accidente a sosode net poco prome cu e rotonde nobo na Palm Beach. E auto a baha caminda man drechi y bolter y keda poco paden banda pariba di caminda.
