Na Aruba practicamente hende a cuminsa perde speranza den husticia. Principalmente ora ta mira con mesun ladronnan ta keda deteni y prome cu solo baha nan ta bek den libertad. Hopi biaha net esnan cu ta molester pa comunidad ta comete crimen y djey ta bek den libertad y sigui mesun dia cu nan fechoria.
Esaki ta un ehempel bibo. E homber aki ta Loyd. Di diabierna caba e tabata den noticia ora cu atardi a drenta pacusnan den Caya Grandi y pasa man pa shirt etc y sali bay sin paga. Hendenan a bay su tras y grabe cu e material horta den su man. Polis a presenta diabierna y tur informacion a duna autoridad. Mas despues a bolbe mira Loyd den e area ta buscando forma di drenta mas pacus y hasta bende loke el a horta.
El a sinti cu e tabata wordo busca y a disparce sin cu a pone man riba dje diabierna. Mientrastanto diasabra mainta trempan e tabata causando molester na Citgo Blvd. Eynan Polis a presenta y ta detene Loyd. A bay cune warda di Playa. Djey a notifica recherché pasobra e mester duna cuenta pa e acto di e dia prome di ladronicia den Caya. Banda di 11or a hibe warda di Recherche na Frankrijkstraat. A transporte den dogcatcher. Kiko cu e por a bay haci na warda di recherché ta mas bien tempo perdi. Tempo perdi pasobra a bay cune net algo prome cu 11or pa warda di Recherche y pa 12:30 di merdia a mire caba ta caba banda di Avenida Alo Tromp direccion pariba den Rancho. Esaki ta e tipo di proceder cu pueblo ta harta y tin biaha kier tuma ley den nan man. Ni sikiera e decencia di tene dos dia pa libra e pueblo for di un recidivista cu ta cana horta. Ni e decencia di busca un instancia cu kizas por atende cune si kier usa excuse cu e ta malo. Mientrastanto canando eyfo ta problema so e lo keda causa y ki ora comete un crimen ta core usa of busca excuse pa e bay liber.
