Husticia buscando mas oro di Venezuela

3004
i10 Sedan
RBC Holiday Loan
RBC Loan Calculator
Send a Tip 24 Whatsapp
CMB Ban Cobra
Blossoms Special Menu
Download nos App

For di mainta trempan awe a yega un ekipo grandi di recherchenan di RST, miembronan di Afpakteam y Polisnan, pa hunto tene un “inval” den e oficina di Domesa situa na Wayaca. A nota presencia di Hues Comisario tambe durante e inval. E motibo ta cu ta sospecha cu via e compania aki Venezolanonan ta mandando oro horta for di Venezuela via Aruba pa entre otro Hulanda. Un ke otro tin di haber cu e detencionnan haci diabierna ultimo na Aeropuerto, unda a detene un sospechoso relaciona cu e mesun tipo di negoshi aki di mandamento di oro for di Venezuela pa Hulanda. A haya e pasahero cu riba 2 miyon dollar na oro den maleta.

I am Consultancy
Beat the Heat ACC
Red Fish Eat Local
BENU – Cambia y Gana
CIBC Get Moving

Mester menciona cu ta for di algun luna caba Gobierno di Republica Bolivariana de Venezuela a cuminsa keha cu for di Aruba y Corsou ta cabando cu nan industra di koper y oro. A acusa e islanan di ta coopera den tuma nan productonan prima procedente di ladronicia y sabotahe y bende cu mundo.

E tempo ey Aruba a bisa di no sa di nada y na caminda a bin compronde cu berdad tin un compania banda di waf cu ta cumprando miyones pa aña na koper procedente di Venezuela y ta manda pa bende cu Hulanda. Como cu e koper no ta drenta Aruba, pero ta pasa nos isla via transito, nunca autoridadnan no a cay riba dje. E tempo ey a bisa cu e negoshi di oro ta cana via Corsou.

Cu tempo ta saliendo afo cu na Aruba tambe tin hende cu ta tuma oro, sin sa di unda el a sali di Venezuela, ni cu si e ta horta of no, y ta manda esaki pa otro paisnan na Europa cu ta paga bon placa pa oro. Probablemente ta haci uzo di e companianan di transporte arma pa baha e mercancia for di avion y despues pone bek riba otro avion cu otro destinacion. Atrobe ta uza nos isla como un sorto di trampolin pa un negoshi cu probablementa ta ilicito.

No tabatin detencion awe mainta na Domesa, cu pa hopi aña ta bou maneho di un Arubiano bon conoci, pero cu tin doñonan procedente for di Venezuela. E caso ta bou investigacion di Polisnan cu ta atene casonan internacional, esta Recherche Samenwerkings Team (RST) den cual ya traha di cerca cu mas ekiponan investigativo den henter Reino Hulandes.

Comments

comments

home improvent
Roll The Dice Better Price
AC Delco 20% Service
Dragon Fly