Tres ilegal ta wordo busca pa husticia. Dos di nan tabata sera caba na KIA. Un di e dosnan aki hasta a wordo deporta y despues a drenta bek Aruba cu boto. Awor nan ta los atrobe. Nan a huy di un of otro forma. Pesey mes awor nos comunidad mester yuda pa asina autoridad por pone man bek riba nan. Nan ta dos Venezolano y un Haitiano. Warda Nos Costa kier pa esnan cu mira e tresnan aki of sa kende nan ta pa avisa number 100 di Polis of yama Warda Nos Costa. Jean Kensly Georges ta esun naci na Haiti dia 30 December 1995. E tabata sera na KIA recien y awor mester wordo deporta cualkier momento. El a comete delito. El a logra scapa unda e tabata warda. E otro ta Ramon Antonio Sanchez del Rosario. E ta naci na Venezuela 26 October 1984. Esaki tambe tabata sera na KIA y despues a wordo deporta y a bolbe drenta Aruba. Tin ordo di huez pa e wordo deporta. Si bo mire yama autoridad mesora. E di tres ta Pablo Isaac Herman cu tambe ta un Venezolano. No duda pa yama Polis si bo miranan of sa di nan paradero.
